لاہور (لیہ ٹی وی) وزیر اعلیٰ پنجاب مریم نواز شریف نے کہا ہے کہ نوجوانوں کو انتہا پسندی کے بجائے علم، ترقی اور مثبت سوچ کی راہ پر گامزن کر رہے ہیں۔ وہ انتہا پسندانہ تشدد کے انسداد کے عالمی دن کے موقع پر اپنے پیغام میں گفتگو کر رہی تھیں۔ مریم نواز کا کہنا تھا کہ پاکستان نے انتہا پسندی اور دہشت گردی کے خلاف بے شمار قربانیاں دی ہیں اور ہر سطح پر شدت پسندی اور عدم برداشت کی حوصلہ شکنی کی جائے گی۔ انہوں نے مزید کہا کہ پنجاب حکومت امن، رواداری اور ہم آہنگی کے فروغ کے لیے بھرپور اقدامات کر رہی ہے۔
