ضلع رحیم یار خان کے کچے کے علاقے میں پیش آنے والے واقعہ کی جتنی بھی مذمت کی جائے،جرائم پیشہ عناصر سے آہنی ہاتھوں سے نمٹ کر ان کا قلع قمع کرنا ہوگا،ملک ریاض حسین سامٹیہ

لیہ 23 اگست (لیہ ٹی وی)ضلعی صدرپاکستان پیپلزپارٹی لیہ ملک ریاض حسین سامٹیہ نے رحیم یار خان میں پولیس اہلکاروں پر ڈاکووَں کے حملے کی شدید الفاظ میں مذمت کرتے ہوئے شہید ہونے والے پولیس اہلکاروں کے لواحقین سے تعزیت کی۔ لیہ ٹی وی سے گفتگو کرتے ہوئے انہوں نے کہا ہے کہ ضلع رحیم یار خان کے کچے کے علاقے میں پیش آنے والے واقعہ کی جتنی بھی مذمت کی جائے کم ہے امن و اما ن قائم کرنا پنجاب حکومت کی ذمہ داری ہے،جرائم پیشہ عناصر سے آہنی ہاتھوں سے نمٹ کر ان کا قلع قمع کرنا ہوگا،حکومت پنجاب پولیس کے 14 جوانوں کی شہادت کے ذمہ داران کو جلد قانون کے کٹہرے میں لاکر کیفر کردار تک پہنچائے ۔شہید اہلکار وں کی قربانیاں رائیگاں نہیں جانے دی جائیں گی واقعے کی فوری تحقیقات کرائی جائیں، زخمی اہلکاروں کے بہتر علاج معالجے کو یقینی بنایا جائے۔ یہپنجاب پولیس کے افسران و جوانوں کی ِ فرض کی ادائیگی کیخاطر قربانیاں لازوال ہیں۔انہوں نے شہید اہلکاروں کے اہلخانہ سے دلی تعزیت اور یکجہتی کا اظہار بھی کیا۔