ڈپٹی کمشنر امیرا بیدار کی ہدایت پر اسسٹنٹ ڈائریکٹر ماحولیات ارشد چغتائی کا ٹیم کے ہمراہ مختلف علاقوں میں بھٹہ خشت کا معائنہ

لیہ23 اگست(لیہ ٹی وی ) حکومت پنجاب کے احکامات کی روشنی میں سموگ کا باعث بننے والے بھٹہ خشت کے خلاف آپریشن میں تیزی، ڈپٹی کمشنر امیرا بیدار کی ہدایت پر اسسٹنٹ ڈائریکٹر ماحولیات ارشد چغتائی کا ٹیم کے ہمراہ مختلف علاقوں میں بھٹہ خشت کا معائنہ ۔ارشد چغتائی اسسٹنٹ ڈائریکٹر ماحولیات نے کہا کہ محکمہ ماحولیات لیہ نے 08 اینٹوں کے بھٹوں کی انسپیکشنز کیں، دوران معائنہ 04 بھٹہ خشت مالکان کو نوٹس جاری کیے گئے۔ کارروائی کے دوران ایک لاکھ روپے کا جرمانہ بھی کیا گیا۔ زگ زیگ ٹیکنالوجی کے بغیر کام کرنے والے ایک بھٹہ کو مسمار کر دیا گیا۔ بھٹہ مالکان زگ زیگ ٹیکنالوجی پر 100 فی صد عملدرآمد یقینی بنائیں۔ زگ زیگ ٹیکنالوجی کے بغیر چلنے والے بھٹہ خشت سموگ کا باعث بنتے ہیں۔ ہائیکورٹ کے احکامات کی روشنی میں کسی کو زگ زیگ ٹیکنالوجی کے بغیر بھٹہ خشت نہیں چلانے دیا جائے گا۔