لیہ: ایڈیشنل ڈپٹی کمشنر میونسپل سروسز شبیر احمد ڈوگر نے صبح سویرے شہر کے مختلف پارکوں، گرین بیلٹس، واکنگ ٹریکس اور اہم شاہراہوں کا دورہ کیا اور صفائی ستھرائی سمیت میونسپل سروسز کا جائزہ لیا۔انہوں نے پارکوں کی دیکھ بھال، گرین بیلٹس کی حالت اور پودوں کی آبیاری کا معائنہ کرتے ہوئے متعلقہ افسران اور عملے کو شہر کی خوبصورتی اور سرسبزی برقرار رکھنے کے لیے باقاعدگی سے دیکھ بھال یقینی بنانے کی ہدایت کی۔ایڈیشنل ڈپٹی کمشنر نے صفائی کے معیار کو مزید بہتر بنانے، پودوں کی بروقت آبیاری اور گرین بیلٹس کی مناسب نگہداشت پر زور دیا۔
