لیہ: ڈسٹرکٹ پولیس آفیسر لیہ حسن جاوید بھٹی نے رات گئے تھانہ سٹی، تھانہ صدر اور تھانہ کروڑ کا سرپرائز وزٹ کیا اور تھانوں میں سکیورٹی، انتظامی امور اور پولیس کارکردگی کا تفصیلی جائزہ لیا۔دورانِ وزٹ ڈی پی او نے تھانوں کی حوالات، فرنٹ ڈیسک اور دیگر شعبہ جات کا معائنہ کیا جبکہ صفائی ستھرائی، ریکارڈ کی تکمیل اور زیر حراست ملزمان کی حفاظت سے متعلق انتظامات بھی چیک کیے۔اس موقع پر ڈی پی او حسن جاوید بھٹی نے پولیس افسران و اہلکاروں کو ہدایت کی کہ تھانوں میں آنے والے شہریوں اور سائلین کے ساتھ خوش اخلاقی سے پیش آیا جائے اور ان کی شکایات کا فوری ازالہ یقینی بنایا جائے۔انہوں نے جرائم کی روک تھام کے لیے مؤثر اقدامات کرنے اور پولیس اہلکاروں کو اپنی ڈیوٹیاں پوری ذمہ داری، فرض شناسی اور پیشہ ورانہ مہارت کے ساتھ سرانجام دینے کی ہدایت کی۔ ڈی پی او نے واضح کیا کہ فرائض میں غفلت یا لاپرواہی کسی صورت برداشت نہیں کی جائے گی
