لیہ: اسسٹنٹ کمشنر لیہ فہد نور نے چارج سنبھالتے ہی فیلڈ میں سرگرمیاں شروع کر دیں۔ انہوں نے زیرِ تعمیر سہولت بازار کا دورہ کیا اور وہاں جاری ترقیاتی و تعمیراتی کاموں کا تفصیلی معائنہ کیا۔اس موقع پر انہوں نے کام کی رفتار اور معیار کا جائزہ لیتے ہوئے متعلقہ حکام کو ہدایت کی کہ تعمیراتی کام تیز رفتاری سے آگے بڑھایا جائے، معیار پر خصوصی توجہ دی جائے اور منصوبے کو مقررہ مدت کے اندر مکمل کیا جائے تاکہ شہریوں کو خریداری کی بہتر سہولیات فراہم کی جا سکیں۔بعد ازاں اسسٹنٹ کمشنر نے ٹراما سنٹر چوک اعظم، ٹراما سنٹر کی گرین بیلٹ، خورشید اسٹیڈیم اور سپورٹس کمپلیکس کا بھی دورہ کیا اور مختلف حصوں کا تفصیلی معائنہ کیا۔ انہوں نے ترقیاتی منصوبوں کی بروقت تکمیل اور تعمیراتی معیار برقرار رکھنے کی ہدایات جاری کیں۔
