کراچی 23 اگست (لیہ ٹی وی)چیئرمین پاکستان پیپلزپارٹی بلاول بھٹو زرداری نے رحیم یار خان میں پولیس اہلکاروں پر ڈاکووَں کے حملے کی شدید الفاظ میں مذمت کرتے ہوئے شہید ہونے والے پولیس اہلکاروں کے لواحقین سے تعزیت کا اظہار کیا ہے۔ میڈیا سیل سے جاری بیان میں انہوں نے کہا ہے کہ ضلع رحیم یار خان کے کچے کے علاقے میں پیش آنے والے واقعے کی شدید الفاظ میں مذمت کرتا ہوں،امن و امان حکومت کی ذمہ داری ہے،جرائم پیشہ عناصر سے آہنی ہاتھوں سے نمٹنا ہوگا،امید ہے پولیس کے 14 جوانوں کی شہادت کے ذمہ داران کو جلد قانون کے کٹہرے میں لایا جائے گا۔بلاول بھٹو زرداری نے کہا ہے کہ شہید اہلکار قوم کے بہادر سپوت تھے، ان کی قربانیاں رائیگاں جانے نہیں دے گی۔ انہوں نے کہا کہ واقعے کی تحقیقات کرائی جائے، زخمی اہلکاروں کے بہتر علاج معالجے کو یقینی بنایا جائے۔ بلاول بھٹو زرداری نے کہا کہ پنجاب پولیس کے افسران و جوانوں کی ادائیگیِ فرض کی خاطر قربانیاں لازوال ہیں۔انہوں نے شہید اہلکاروں کے اہلخانہ سے دلی تعزیت اور یکجہتی کا اظہار بھی کیا۔
منگل, جولائی 15, 2025
