لیہ: بانیٔ پاکستان قائداعظم محمد علی جناح کے یومِ وفات کے موقع پر ڈپٹی کمشنر لیہ آصف علی ڈوگر نے اپنے پیغام میں کہا ہے کہ قائداعظم محمد علی جناح کی زندگی ہمارے لیے اصول پسندی، دیانت داری اور عزم و حوصلے کی روشن مثال ہے۔ انہوں نے کہا کہ قائداعظم نے اپنی بے مثال قیادت سے برصغیر کے مسلمانوں کو ایک پلیٹ فارم پر متحد کیا اور ان کی انتھک جدوجہد، سیاسی بصیرت اور مدبرانہ قیادت کے نتیجے میں پاکستان کا قیام عمل میں آیا۔ ڈپٹی کمشنر نے کہا کہ یومِ وفات قائداعظم ہمیں ان کی عظیم جدوجہد اور قیامِ پاکستان کے لیے دی گئی خدمات کو خراجِ عقیدت پیش کرنے کا موقع فراہم کرتا ہےقائداعظم کا ایمان، اتحاد اور نظم و ضبط کا پیغام آج بھی قومی زندگی میں ہماری رہنمائی کرتا ہے۔ انہوں نے کہا کہ قائداعظم نے قانون کی بالادستی، انصاف اور مساوات پر مبنی ریاست کا خواب دیکھا جس کی تکمیل کے لیے ہمیں ان کے افکار کو عملی زندگی میں اپنانا ہوگا۔ ڈپٹی کمشنر آصف علی ڈوگر نے کہا کہ نوجوان نسل قائداعظم کی زندگی اور جدوجہد سے رہنمائی حاصل کرتے ہوئے ملک و قوم کی ترقی میں اپنا کردار ادا کرے۔ ہمیں قائداعظم کے اصولوں کی روشنی میں پاکستان کو مضبوط، ترقی یافتہ اور خوشحال بنانے کے لیے اپنی ذمہ داریاں پوری کرنی چاہئیں۔ انہوں نے کہا کہ قائداعظم محمد علی جناح کی خدمات اور قومی جدوجہد کو ہمیشہ عقیدت و احترام سے یاد رکھا جائے گا۔
