(یادِ رفتگان۔۔شمشاد حسین سرائی)
ملنگ شیخ نذر حسین ملن سار خلیق اور دوستوں کے دوست تھے ۔نذر ملنگ کو ملنے سے طبیعت ہشاش بشاش ہو جاتی تھی آپ ایک ادب نواز اور موسیقی کے دلدادہ تھے 1986 میں چوبارہ روڈ پر ملنگ پنسار سٹور کے نام سے ایک دکان کھولی۔جو شعراء ،فنکار اور گلو کاروں کی آماجگاہ تھی ۔میں جب بھی ان سے ملتا بڑے ہنس مکھ انداز سے ویلکم کرتے ۔اور اپنی تیار کردہ بادام کا مشروب پیش کرتے ۔بڑے رنگین مزاج طبیعت کے مالک تھے ۔آپ کے پاس پروفیسر، سنگر اور شاعر ہر وقت کوئی نہ کوئی موجود ہوتا تھا ۔چمچیوں سے بوتلوں کو بجا کر خوبصورت گیت سناتے۔جن کے ذریعے ایک عجیب سماں سا باندھ دیتے تھے ۔لیہ کے بیشتر گلو کاروں کی سرپرستی فرماتے تھے۔لوک فنکار اسلم ساجد ،گیت نگار شاعر منشی منظور کا تو مسکن ملنگ پنسار سٹور ہی تھا ۔ انکی ایک خاص بڑی خوبی یہ تھی کہ ہر وقت باوضو رہتے تھے اور روزانہ حضرت پیر کموکامل صاحب حاضری دیتے تھے۔نذر ملنگ کے چار بھائی ہیں مظہر اظہر اطہر سجاد تین بیٹیاں اور دو بیٹے فیصل اور دانش ہیں نذر ملنگ نماز پنجگانہ کے بہت پابند تھے ۔19 فروری 2023 کو اچانک ہارٹ اٹیک ہوا اور اپنے خالق حقیقی سے جا ملے دعا ہے اللہ ان کے درجات بلند فرمائے ۔
