میڈا چوڈا اگست
توں وی پاکستان ھیں
میں وی پاکستان ھاں
پاکستان اچ اچیاں اچیاں ماڑیاں
ماڑیاں تلے بالک کھیڈنڑ
ہتھ اچ لمبے لمبے جھنڈے چا کے
میل کچیلے ویساں دے وچ
پیروں رانڑھے بال نمانڑے
کھل ھاسے نال پیلاں پا کے
نعرے لاونڑ
توں وی پاکستان ھیں
میں وی پاکستان ھاں
گیتاں اندر خاب سجا کے
مدہوشی اندر ھک ڈوجھے کوں
گھٹ گھٹ ھاں نال لاونڑ
بال نمانڑے
ماڑیاں دے اندر جھاتی پا کے
ٹھڈے ٹھار کوٹھیاں کوں
نال حیرانی ڈیکھنڑ
پچھاں ول کے
تتی دھپ اچ ا کے
زوری زوری نعرے لاونڑ
توں وی پاکستان ھیں
میں وی پاکستان ھاں
انہاں نعریاں اندر ۱۴ اگست مناونڑ
اے ھن اساڈے لال
واہ ادم دی أل
(مزمل حسین
