"ماہرہ خان کا انکشاف: برقعہ پہن کر بھی بازار جاتے ہوئے پہچان لی جاتی ہوں”

پاکستان شوبز انڈسٹری کی معروف اداکارہ ماہرہ خان نے ایک دلچسپ انکشاف کیا ہے کہ وہ جب برقعہ پہن کر بازار جاتی ہیں تو بھی لوگ انہیں پہچان لیتے ہیں۔ حال ہی میں کراچی میں ہونے والی 17ویں عالمی اردو کانفرنس کے دوران ماہرہ خان نے کراچی اور لاہور کے بازاروں میں شاپنگ کرنے کے تجربے کے بارے میں بات کی۔
اداکارہ نے بتایا کہ وہ اپنی منیجر سے کہہ رہی تھیں کہ انہیں لائٹ ہاؤس جیسے بازاروں میں لے جایا جائے کیونکہ وہاں سے اچھی چیزیں ملتی ہیں، اور وہ چاہتی ہیں کہ انہیں برقعہ پہنا کر وہاں لے جایا جائے۔
ماہرہ خان نے مزید کہا کہ "اب مسئلہ یہ ہے کہ ایک دو بار میں برقعہ پہن کر بازار گئی ہوں لیکن لوگ میری آواز سے ہی مجھے پہچان لیتے ہیں۔ میں خاموش رہوں تو ایسا ہو نہیں سکتا، پھر مزہ ہی نہیں آتا۔”
انہوں نے کہا کہ "میں بازار جاتے وقت سر سے پیر تک مکمل ڈھکی ہوتی ہوں، لیکن جیسے ہی بولنا شروع کرتی ہوں، لوگ مجھے پہچان لیتے ہیں اور پوچھتے ہیں، ‘آپ ماہرہ خان ہیں نا؟’ جس کی وجہ سے ان کا بازار جانے کا پلان ہمیشہ ناکام ہوجاتا ہے۔”