لیہ (نمائندہ لیہ ٹی وی) اردو علم و ادب میں لیہ کی جانی پہچانی شخصیت اور لیہ کے نسیمِ لیہ کی ادبی جانشین دخترِنسیم آنسہ آئینہء مثال لاہور میں حرکت قلب بند ہو جانے سے انتقال کر گئیںآئینہء مثال لیہ کے معروف شاعر حضرتِ نسیمِ لیہ کی ادبی جانشین تھیں آپ ایم۔اے اردو ۔روزنامہ خبریں لاھور کی ادبی میگزین اور خواتین میگزین کی انچارج بھی رہیں۔اور لاھور کے نجی ٹی وی چینل کی اینکر پرسن بھی تھیں۔ افسانہ نگار اور کالم نویس تھیں مرحومہ کا جسد خاکی لیہ لایا جا رہا ہے اور ان کی نماز جنازہ آج لیہ میں ادا کی جائے گی آئینہ مثال کی انتقال کی خبر لیہ کے علمی ادبی حلقوں کو سوگوار کر گئی معروف شاعر پروفیسر ڈاکٹر گل عباس اعوان ،میاں شمشاد حسین سرائی اور دیگر نے مرحومہ کی اچانک وفات کو لیہ کے ادبی حلقوں کے لیے ناقابل تلافی نقصان قرار دیا اور مرحومہ کے روح کے ایصال ثواب کے لیے دعائے مغفرت کی۔
