ڈپٹی کمشنر لیہ کی ہدایت پر گندم ذخیرہ اندوزوں کے خلاف بڑی کارروائی ، پیرا فورس اور محکمہ خوراک کی مشترکہ کارروائی میں دو ہزار گندم کے تھیلے ضبط، 700 گٹو برآمد — غیر رجسٹرڈ گودام سیل

لیہ(نمائندہ لیہ ٹی وی)وزیراعلیٰ پنجاب مریم نواز شریف کے احکامات کی روشنی میں گندم کی ذخیرہ اندوزی کے خلاف کارروائیاں جاری ہیں۔ ڈپٹی کمشنر امیرابیدار کی ہدایت پر ضلع بھر میں گندم کے غیر رجسٹرڈ گوداموں کے خلاف مؤثر آپریشن کیا جا رہا ہے۔اس سلسلہ میں پیرا فورس اور محکمہ خوراک لیہ کی مشترکہ ٹیم نےکارروائی کرتے ہوئے 50 کلوگرام وزن کے دو ہزار تھیلوں پر مشتمل گودام سیل کردیا جبکہ 700 گٹو قبضہ میں کر لیے۔ضلعی انتظامیہ نے واضح کیا ہے کہ گندم کی ذخیرہ اندوزی کسی صورت برداشت نہیں کی جائے گی اور ذخیرہ اندوزوں کے خلاف کارروائیاں جاری رہیں گی