لیہ: ڈی پی او لیہ حسن جاوید بھٹی کی ہدایت پر جھوٹے جنسی مقدمات درج کروانے والوں کے خلاف قانونی کارروائی کا سلسلہ جاری ہے۔ تھانہ کروڑ پولیس نے جھوٹا ریپ کیس درج کروانے پر مدعی مقدمہ مشتاق حسین کے خلاف اینٹی ریپ ایکٹ کے تحت مقدمہ درج کر لیا۔پولیس کے مطابق مشتاق حسین نے اپنے بھانجے طیب رضا کے ساتھ مبینہ زیادتی کا مقدمہ اذکار حسین اور دیگر افراد کے خلاف درج کروایا تھا۔ تاہم متاثرہ نوجوان طیب رضا نے اپنے بیان میں مؤقف اختیار کیا کہ اس کے ماموں مشتاق حسین نے غلط فہمی کی بنیاد پر مقدمہ درج کروایا تھا۔ڈی پی او لیہ حسن جاوید بھٹی نے کہا کہ ذاتی مفادات یا غلط فہمی کی بنیاد پر جھوٹے مقدمات درج کروانے کی اجازت نہیں دی جا سکتی۔ ایسے مقدمات سے پولیس کے قیمتی وسائل ضائع ہونے کے ساتھ فراہمی انصاف کا عمل بھی متاثر ہوتا ہے۔انہوں نے کہا کہ قانون کا غلط استعمال کرنے والوں کے خلاف بلاامتیاز قانونی کارروائی جاری رہے گی۔
