لیہ : اسسٹنٹ کمشنر لیہ رانا زوہیب کریم کی زیر صدارت ڈینگی کے تدارک اور حفاظتی اقدامات کے حوالے سے اجلاس منعقد ہوا،
جس میں ڈینگی کی روک تھام، سرویلنس سرگرمیوں اور انسداد ڈینگی اقدامات کے بارے میں بریفنگ دی گئی۔اسسٹنٹ کمشنر رانا زوہیب کریم نے متعلقہ محکموں کو ہدایت کی کہ ڈینگی سے بچاؤ کے لیے احتیاطی تدابیر پر مؤثر عملدرآمد یقینی بنایا جائے، ہاٹ سپاٹس کی مسلسل نگرانی کی جائے اور لاروا کی افزائش کے ممکنہ مقامات کی فوری نشاندہی کرکے ان کا خاتمہ کیا جائے۔انہوں نے واضح کیا کہ انسداد ڈینگی سرگرمیوں میں کسی قسم کی غفلت برداشت نہیں کی جائے گی اور تمام متعلقہ محکمے اپنی ذمہ داریاں مستعدی اور مؤثر انداز میں ادا کریں۔
