لیہ : ایڈیشنل ڈپٹی کمشنر ہیڈکوارٹرز محمد اویس سرور کی زیر صدارت ڈسٹرکٹ پرزن ہیلتھ کونسل کا اجلاس منعقد ہوا، جس میں ڈسٹرکٹ جیل میں اسیران کو طبی سہولیات کی فراہمی اور جیل ہسپتال کی ضروریات کا جائزہ لیا گیا۔اجلاس میں جیل ہسپتال کے لیے ادویات کی مقامی خریداری، ضروری اسٹیشنری و دیگر سامان کی فراہمی، دفتری امور کے لیے کمپیوٹر پرنٹر کی مرمت اور ڈینٹل چیئر کی تنصیب سمیت مختلف معاملات زیر غور آئے۔ اس موقع پر ڈینٹل چیئر کی جنرل جیل ہسپتال منتقلی کے معاملے کا بھی جائزہ لیا گیا۔ایڈیشنل ڈپٹی کمشنر ہیڈکوارٹرز محمد اویس سرور نے ہدایت کی کہ جیل ہسپتال میں اسیران کو علاج معالجے کی بہتر سہولیات فراہم کرنے کے لیے ضروری اقدامات بروقت مکمل کیے جائیں، ادویات کی دستیابی یقینی بنائی جائے اور ہسپتال کی ضروریات کے مطابق اسٹیشنری و دیگر سامان کی فراہمی مؤثر بنائی جائے۔انہوں نے کہا کہ جیل میں مقید افراد کو معیاری طبی سہولیات فراہم کرنا متعلقہ اداروں کی مشترکہ ذمہ داری ہے، اس لیے تمام امور باہمی رابطے اور مربوط حکمت عملی کے تحت نمٹائے جائیں۔اجلاس میں ڈپٹی سپرنٹنڈنٹ ڈسٹرکٹ جیل، ڈاکٹر یونس کلیہ اور دیگر متعلقہ افسران نے شرکت کی۔
