لیہ: وزیراعلیٰ پنجاب مریم نواز شریف کی ہدایات پر اوورسیز پاکستانیوں کے مسائل کے ترجیحی بنیادوں پر حل کے لیے ڈسٹرکٹ اوورسیز پاکستانیز کمیٹی کا اجلاس ایڈیشنل ڈپٹی کمشنر ریونیو و سیکرٹری کمیٹی ڈاکٹر عابدہ فرید کی زیر صدارت منعقد ہوا۔
اجلاس میں ڈی ایس پی ہیڈ کوارٹر محمد شوکت، ڈپٹی ڈسٹرکٹ اٹارنی رانا محمد بلال، تحصیلدار محمد فیاض سمیت دیگر متعلقہ افسران نے شرکت کی۔ اجلاس کے دوران اوورسیز پاکستانیوں کی جانب سے موصول ہونے والی پانچ درخواستوں کا جائزہ لیا گیا، جن میں سے ایک درخواست پر مسئلہ حل کر دیا گیا جبکہ باقی درخواستوں پر کارروائی کے لیے متعلقہ محکموں کو ضروری ہدایات جاری کی گئیں۔ایڈیشنل ڈپٹی کمشنر ریونیو ڈاکٹر عابدہ فرید نے ہدایت کی کہ اوورسیز پاکستانیوں کی درخواستوں پر میرٹ کے مطابق کارروائی کرتے ہوئے مسائل کا حل یقینی بنایا جائے اور زیرِ التوا معاملات کے بارے میں متعلقہ محکمے بروقت رپورٹس پیش کریں تاکہ بیرون ملک مقیم پاکستانیوں کو فوری ریلیف فراہم کیا جا سکے۔انہوں نے کہا کہ اوورسیز پاکستانی ملک کا قیمتی اثاثہ ہیں اور ان کے مسائل کا بروقت ازالہ حکومت کی ترجیحات میں شامل ہے۔
\
