لیہ: ایس پی انویسٹیگیشن مدثر اقبال کی زیرِ صدارت کرائم میٹنگ منعقد ہوئی، جس میں زیرِ تفتیش مقدمات کی پیش رفت اور تفتیشی امور کا جائزہ لیا گیا۔ایس پی انویسٹیگیشن مدثر اقبال نے افسران کو ہدایت کی کہ زیرِ تفتیش مقدمات کو میرٹ اور پیشہ ورانہ تقاضوں کے مطابق جلد از جلد یکسو کیا جائے۔ جرائم پیشہ عناصر کے خلاف مؤثر کارروائیاں عمل میں لائی جائیں اور شہریوں کو انصاف کی فراہمی یقینی بنائی جائے۔انہوں نے کہا کہ تفتیش کے معیار کو بہتر بنانے کے ساتھ مقدمات کی تفتیش میں شفافیت، میرٹ اور قانون کی بالادستی ہر صورت برقرار رکھی جائے۔ شہریوں کو بروقت انصاف فراہم کیا جائے، فرائض کی ادائیگی میں کسی قسم کی غفلت یا کوتاہی برداشت نہیں کی جائے گی۔
