ثانیہ مرزا اور بزنس ٹائیکون عدیل ساجن کے تعلقات کی خبریں گردش میں، دوسری شادی کا مشورہ بھی مل گیا

دبئی:(لیہ ٹی وی)پاکستان کرکٹ ٹیم کے سابق کپتان شعیب ملک کی سابقہ اہلیہ اور بھارتی ٹینس اسٹار ثانیہ مرزا ایک بار پھر خبروں میں ہیں۔ بھارتی میڈیا رپورٹس کے مطابق دبئی میں اپنے بیٹے اذہان مرزا ملک کے ساتھ مقیم ثانیہ مرزا کا نام اب متحدہ عرب امارات کے معروف بزنس ٹائیکون عدیل ساجن کے ساتھ جوڑا جا رہا ہے۔
رپورٹس کے مطابق عدیل ساجن ان دنوں ثانیہ مرزا کے ولا کو ڈیزائن کر رہے ہیں، لیکن ان کے تعلقات پیشہ ورانہ حدوں سے آگے جانے کی قیاس آرائیاں کی جا رہی ہیں۔ تاہم، اس حوالے سے نہ تو ثانیہ مرزا اور نہ ہی عدیل ساجن کی طرف سے کوئی بیان سامنے آیا ہے۔
واضح رہے کہ شعیب ملک سے علیحدگی کے بعد ثانیہ مرزا کا نام پہلے بھارتی کرکٹر محمد شامی کے ساتھ جوڑا گیا تھا، لیکن ان افواہوں کو بعد میں مسترد کر دیا گیا تھا۔
عادل ساجن کون ہیں؟
عدیل ساجن بھارتی بزنس ٹائیکون رضوان ساجن کے بیٹے اور متحدہ عرب امارات میں ایک نجی گروپ کے منیجنگ ڈائریکٹر ہیں۔ وہ اپنے پُرتعیش طرزِ زندگی اور 1.3 بلین ڈالرز کی نیٹ ورتھ کے لیے مشہور ہیں۔ ان کا گروپ پراپرٹی کے کاروبار کے ساتھ ساتھ ٹینس ٹورنامنٹس اور فلم فیئر ایوارڈز کی اسپانسرشپ میں بھی شامل ہے۔