لیہ،11 دسمبر 2025(نمائندہ لیہ ٹی وی) ضلع میں انسدادِ پولیو کی تین روزہ قومی مہم 15 دسمبر سے شروع ہو گی۔ ڈپٹی کمشنر آصف علی ڈوگر نے کمیٹی روم میں اجلاس کی صدارت کرتے ہوئے متعلقہ محکموں کو ہدایت کی کہ مہم کے سو فیصد اہداف کے حصول کو ہر صورت یقینی بنایا جائے۔اجلاس میں اسسٹنٹ کمشنرز حارث حمید خان، ندیم ارشد، محبوب اقبال ہنجرا، سی ای او صحت ڈاکٹر شاہد ریاض، ڈاکٹر محمد یونس کلیہ، ڈی ای او گل شیر، ڈبلیو ایچ او نمائندگان ڈاکٹر ناصر، ڈاکٹر گلبدین، ڈاکٹر مزمل کریم، لائیو سٹاک، فوکل پرسنز اور دیگر افسران نے شرکت کی۔ڈپٹی کمشنر نے بتایا کہ 5 سال تک کی عمر کے4 لاکھ 26 ہزار سے زائد بچوںکو پولیو ویکسین کے دو قطرے پلانے کا ہدف مقرر کیا گیا ہے۔ سی ای او صحت نے بتایا کہ1797 سے زائد ٹیمیں تشکیل دے دی گئی ہیں جبکہ 58 ٹرانزٹ پوائنٹس، نشیبی علاقوں اور تھل ایریا پر خصوصی فوکس رکھا جائے گا۔
