عالیہ حمزہ کے خلاف مقدمات کی تفصیلات پیش، لاہور ہائیکورٹ نے درخواست نمٹا دی

لاہور (لیہ ٹی وی)لاہور ہائیکورٹ نے پاکستان تحریک انصاف کی رہنما عالیہ حمزہ کے خلاف درج مقدمات کی تفصیلات سے متعلق درخواست نمٹا دی۔ سماعت کے دوران ایف آئی اے اور آئی جی پنجاب نے رپورٹ پیش کی، جس کے مطابق عالیہ حمزہ پر مختلف شہروں میں مجموعی طور پر 22 مقدمات درج ہیں۔ رپورٹ کے مطابق لاہور میں 3، قصور میں 7، گوجرانوالہ میں 1، راولپنڈی میں 4، میانوالی میں 2 اور فیصل آباد میں 4 مقدمات درج کیے گئے ہیں، جبکہ ایف آئی اے میں بھی ان کے خلاف ایک مقدمہ درج ہے۔ عدالت نے رپورٹ پیش کیے جانے کے بعد درخواست نمٹا دی۔