اسلام آباد سیشن کورٹ نے زرتاج گل کے ناقابلِ ضمانت وارنٹ گرفتاری جاری کر دیے

اسلام آباد (لیہ ٹی وی) ڈسٹرکٹ اینڈ سیشن کورٹ اسلام آباد نے پاکستان تحریکِ انصاف (پی ٹی آئی) کی رہنما زرتاج گل کے ناقابلِ ضمانت وارنٹ گرفتاری جاری کر دیے۔ وارنٹ سول جج مبشر حسن نے جاری کیے۔
دورانِ سماعت جج مبشر حسن نے ریمارکس دیے کہ زرتاج گل کو متعدد بار طلب کیا گیا لیکن وہ عدالت میں پیش نہیں ہوئیں، جس کے باعث ناقابلِ ضمانت وارنٹ گرفتاری جاری کیے جا رہے ہیں۔
واضح رہے کہ زرتاج گل کے خلاف تھانہ بارہ کہو میں مقدمہ درج ہے، جبکہ اسی مقدمے میں پی ٹی آئی کے بانی اور شاہ محمود قریشی کو بری کر دیا گیا ہے۔