انسداد پولیو مہم کے لیے طلبہ بطور سفیر، گورنمنٹ ہائی سکول چوبارہ میں آگاہی سیمینار

لیہ(نمائندہ لیہ ٹی وی)گورنمنٹ بوائز ہائی سکول چوبارہ میں انسداد پولیو مہم کے حوالے سے خصوصی آگاہی سیمینارمنعقد ہوا۔ سیمینار کے مہمان خصوصی اسسٹنٹ کمشنر تحصیل چوبارہ ثناءاللہ ہنجرا تھے ۔سیمینارمیںڈپٹی ڈی ایچ او چوبارہ ڈاکٹر مہر نبیل احمد، ایم ایس ،تحصیلدار،محکمہ تعلیم کے افسران،ڈی ایس پی چوبارہ،یونین کونسل سیکرٹریز، نمبردارموجودتھے۔سیمینارسے خطاب کرتے ہوئے اسسٹنٹ کمشنرہ ثناءاللہ ہنجرا نے کہاکہ3فروری سے شروع ہونے والی انسدادپولیو مہم میں طلبہ اپنابہترین کردار اداکریںکیونکہ طلبہ مختلف علاقوں سے آتے ہیں اس لیے آپ کے ذریعے پیغام دور دراز علاقوں تک جاسکتاہے اس لیے طالبات انسداد پولیومہم میں سفیر کا کردار اداکریں اپنے اردگرد، اپنے گھروں میں جاکر پولیوکے قطرے پلانے بارے شعور اجاگرکریں اور تمام بچوں سے قطرے پینے بارے پوچھیںتاکہ کوئی بھی بچہ پولیوکے قطرے پینے سے محروم نہ رہے۔انہوں نے مزید کہاکہ آنے والی پولیوٹیموں کے ساتھ تعاون کریں تاکہ ان کی حوصلہ افزائی اور وطن عزیز سے پولیوجیسے موذی مرض کے خاتمے کو یقینی بنایاجاسکے۔سیمینار میں اساتذہ و طلبہ کی کثیر تعدادموجودتھی۔