آوارہ کتوں کے حملے میں 10 سالہ بچی زخمی،چک 127 ٹی ڈی اے لیہ؛ مدرسے جاتے ہوئے بچی پر کتوں کا حملہ، ڈی ایچ کیو ہسپتال منتقل

لیہ (نمائندہ لیہ ٹی وی)چک 127 ٹی ڈی اے لیہ میں ایک افسوسناک واقعہ پیش آیا جہاں 10 سالہ صبا رانی دختر اللہ رکھا مدرسے جاتے ہوئے آوارہ کتوں کے حملے میں زخمی ہو گئی۔بچی پر دو آوارہ کتوں نے حملہ کیا جس سے اس کے بائیں کندھے اور دائیں ران پر گہرے زخم آئے ہیں۔ ریسکیو ٹیم نے فوری طور پر بچی کو ابتدائی طبی امداد فراہم کی اور بعد ازاں اسے ڈسٹرکٹ ہیڈکوارٹر ہسپتال (ڈی ایچ کیو) لیہ منتقل کر دیا۔ بچی کی حالت خطرے سے باہر بتائی جا رہی ہے۔