لیہ(نمائندہ لیہ ٹی وی)کمشنر ڈیرہ غازی خان ڈویژن اشفاق احمد چوہدری نے ڈی ایچ کیو ہسپتال کا تفصیلی دورہ کیا۔اس موقع پر ڈپٹی کمشنر امیرابیدار ،ایڈیشنل ڈپٹی کمشنر ریونیومحمد شاہد ملک، سی ای او ہیلتھ ڈاکٹر شاہد ریاض ،اسسٹنٹ کمشنرزنورمحمد،ثناءاللہ ہنجرا، ایم ایس ڈی ایچ کیو ڈاکٹر غلام محی الدین،ایکسین بلڈنگ میاں سجاد حسین ہمراہ تھے۔کمشنر اشفاق احمد چوہدری نے ایمرجنسی وارڈ،ڈائیلیسزیونٹ، میڈیسن روم، مددگارکاونٹر، ہسپتال میں ریویمپنگ کے ترقیاتی کام کامعائنہ کیا۔انہوں نے وارڈزکا معائنہ کرتے ہوئے مریضوں کی عیادت کی اور مریضوں و لواحقین سے ہسپتال سے مفت ادویات ملنے بارے پوچھاجس پرمریضوں اور لواحقین نے ہسپتال سے مفت ادویات کی فراہمی پر تسلی کا اظہار کیا۔کمشنر ڈیرہ غازی خان ڈویژن اشفاق احمد چوہدری نے کہاکہ حکومت پنجاب عوام کے مفت علاج معالجہ کے لئے کوشاں ہے ہسپتالوں اور صحت مراکز کی تعمیر اور ریومپنگ مکمل کی جا رہی ہے اسپتال کی صفائی، طبی سہولیات اور ادویات کی فراہمی کو جاری رکھاجائے ڈاکٹرز اور سٹاف مریضوں اور لواحقین سے خوش اخلاقی سے پیش آئیں اور ان کی مکمل رہنمائی کریں۔ انہوں نے کہاکہ وزیراعلیٰ پنجاب مریم نوازشریف شہریوںکو صحت کی بہترین سہولتیں فراہم کرنے کے لیے کوشاں ہیںپنجاب حکومت صحت کے شعبے کو خصوصی اہمیت دے رہی ہے پنجاب میں ”صحت مند پنجاب“ کے تحت جدید جامع ہیلتھ ریفارمز جاری ہیں۔ ڈی ایچ کیو کی سطح کی تمام بنیادی طبی ضروریات پوری کی جائیں گی۔کمشنر ڈیرہ غازی خان ڈویژن اشفاق احمد چوہدری نے مزید کہاکہ پنجاب بھر میں پہلی مرتبہ 1250مراکز صحت کو جدید ترین اور خوش وضع کلینک میں تبدیل کیا جارہا ہے مراکزصحت میں علاج معالجہ، طبی ٹیسٹ اور ادویات کیفراہمی کے لئے بھر پور اور موثر اقدامات کیے جارہے ہیںفیلڈ ہسپتال اور کلینک آن ویل کے ذریعے گھر کی دہلیز پر علاج کی سہولت فراہم کی جارہی ہے لہذا کوئی مریض ادویات کی عدم دستیابی کی شکایت نہ کرے مریضوں کی سہولت کے لیے ایمرجنسی کو مزید بہتر کیا جائے۔اس موقع پرایم ایس ڈی ایچ کیو ڈاکٹر غلام محی الدین نے بریفنگ دی۔
