وزیراعلی پنجاب مریم نواز کے ویژن” پڑھو پنجاب بڑھو پنجاب “کے تحت ضلع بھر کے سرکاری سکولوں میں داخلہ مہم کا آغاز کردیا گیا

لیہ(نمائندہ لیہ ٹی وی)وزیراعلی پنجاب مریم نواز کے ویژن” پڑھو پنجاب بڑھو پنجاب “کے تحت ضلع بھر کے سرکاری سکولوں میں داخلہ مہم کا آغاز کردیا گیاہے۔اس سلسلہ میں گورنمنٹ ایم سی ہائی سکول میں تقریب منعقد ہوئی ۔ تقریب کے مہمان خصوصی ممبرصوبائی اسمبلی علی اصغر گورمانی تھے۔ تقریب میں سی ای او تعلیم شازیہ توصیف، ڈی او سیکنڈری رضوان خان ، ڈی او تعلیم کاظم گرمانی، ڈپٹی ڈی او سیکنڈری گل شیر، ڈپٹی ڈی او ملک بلال اترا،سینئرہیڈمسٹریس شاہینہ فریدملغانی ، اے ای او رمضان تھند و دیگر اساتذہ ، محکمہ تعلیم افسران نے شرکت کی ۔تقریب سے خطاب کرتے ہوئے ایم پی اے علی اصغرگورمانی نے کہاکہ پڑھو پنجاب، بڑھو پنجاب تعلیمی ترقی کی جانب ایک مثبت قدم ہے پڑھو پنجاب، بڑھو پنجاب مہم پنجاب میں تعلیم کے فروغ کے لیے شروع کی گئی ۔انہوں نے کہاکہ داخلہ مہم حکومت پنجاب کا ایک انقلابی اقدام ہے جس کا مقصد صوبے میں تعلیم کی بہتری، شرح خواندگی میں اضافہ، اور اسکولوں میں بچوں کے داخلے کو یقینی بنانا ہے جس کا بنیادی مقصد پنجاب کے ہر بچے تک تعلیم کی روشنی پہنچانا اور معیاری تعلیمی نظام کو فروغ دینا ہے۔ ایم پی اے علی اصغرگورمانی نے کہاکہ محکمہ تعلیم کے افسران داخلہ مہم کو کامیاب بنانے کے لیے بہترین خدمات انجام دیں۔سی ای او تعلیم شازیہ توصیف نے کہاکہ حکومت پنجاب تعلیم کے فروغ کے لیے بہترین اقدامات اُٹھارہی ہیںانہوںنے کہاکہ داخلہ مہم کو کامیاب بنانے کے لیے محکمہ تعلیم سرگرم عمل ہے پڑھوپنجاب ،بڑھو پنجاب مہم سے پنجاب کے سرکاری اسکولوں میں داخلے کی شرح میں نمایاں اضافہ دیکھنے میں ملے گا اساتذہ، والدین کی مشترکہ کوششوںسے وطن عزیز کو تعلیمی میدان میں ایک ترقی یافتہ ملک بنایا جا سکتا ہے۔اس موقع پرتقریب ایم پی اے علی اصغر گرمانی نے بچوں کا رجسٹر داخلہ میں نام درج کیا۔