ایڈیشنل ڈپٹی کمشنر ریونیو عابدہ فرید کا فروٹ و سبزی منڈی لیہ کا دورہ

لیہ(نمائندہ لیہ ٹی وی ) ایڈیشنل ڈپٹی کمشنر ریونیو عابدہ فرید نے فروٹ و سبزی منڈی لیہ کا دورہ کیا اور مختلف اشیائے خوردونوش کی دستیابی اور قیمتوں کا جائزہ لیا۔ انہوں نے سبزی منڈی میں بولی کے نظام کی نگرانی کی۔ایڈیشنل ڈپٹی کمشنر (ریونیو) عابدہ فرید نے منڈی میں آنے والی سبزیوں اور پھلوں کی رسد، نیلامی کے عمل اور سرکاری نرخنامے پر عملدرآمد کا تفصیلی جائزہ لیا۔ انہوں نے موقع پر موجود متعلقہ افسران کو ہدایت کی کہ سبزی منڈی میں بولی کا عمل شفاف انداز میں مکمل کیا جائے اور اس بات کو یقینی بنایا جائے کہ منڈی میں آنے والی اشیاء مقررہ نرخوں کے مطابق فروخت ہوں۔انہوں نے کہا کہ منڈی میں اشیائے ضروریہ کی وافر مقدار میں دستیابی اور قیمتوں کو اعتدال میں رکھنے کے لیے انتظامیہ مسلسل مانیٹرنگ کر رہی ہے۔ اس موقع پر سیکرٹری مارکیٹ کمیٹی سید عمران شہزاد،ای اے ڈی اے عمران ستار بھی موجود تھے۔