وزیراعلیٰ پنجاب مریم نواز شریف کا کسان دوست اقدام، سپر سیڈر مشینوں کی قرعہ اندازی مکمل ، پنجاب کلین ایئر پروگرام کے تحت 60 فیصد سبسڈی، ماحولیاتی آلودگی اور سموگ کے خاتمے میں مددگار منصوبہ، اے ڈی سی آر محمد شاہد

لیہ(نمائندہ لیہ ٹی وی)وزیراعلی پنجاب مریم نوازشریف کا ایک اور احسن اقدام۔ پنجاب کلین ایئر پروگرام کے تحت سپر سیڈر/پاک سیڈر مشینوں کی قرعہ انداز ی کردی گئی ۔ سپر سیڈرکی خریداری پرحکومت پنجاب 60 فی صد سبسڈی دے گی۔ سپر سیڈرکے استعمال سے سموگ میں خاتمہ ہوسکے گا۔تفصیل کے مطابق ڈپٹی کمشنر کمیٹی روم میں محکمہ زرعی انجینرنگ کی جانب سے قرعہ اندازی کی گئی ۔ایڈیشنل ڈپٹی کمشنر ریونیو/ کنوینر ڈسٹرکٹ الاٹمنٹ کمیٹی محمدشاہدنے پرچی اٹھاکر قرعہ اندازی کی ۔اس موقع پر ڈپٹی ڈائریکٹرزرعی انجنیئرنگ لیہ شیخ شعیب ظہیر،ڈپٹی ڈائریکٹرزراعت عاشق حسین،اسسٹنٹ ڈائریکٹرزرعی انجنیئرنگ لیہ ڈاکٹرغلام مرتضی بھٹی ،سپروائزر راجہ عقیل،محمدیوسف بھٹی ودیگر موجودتھے۔قرعہ میں 130افراد نے حصہ لیاتھا جس میں ضلع کے کوٹہ کے مطابق 2 افراد منتخب ہوئے ۔اس موقع پراے ڈی سی آر محمدشاہدنے کہاکہ حکومت پنجاب کسانوں کی فلاح و بہبود اور پائیدار زراعت کے فروغ کے لیے تمام وسائل بروئے کار لا رہی ہےوزیراعلیٰ پنجاب مریم نواز شریف کا یہ اقدام کسانوں کے لیے ایک انقلابی اور ریلیف پر مبنی منصوبہ ہے۔ انہوں نے کہا کہ سپر سیڈر کے استعمال سے فصلوں کی بہتر بوائی ممکن ہوگی زمین کی زرخیزی میں اضافہ ہوگا اور ماحولیاتی آلودگی بالخصوص سموگ کے خاتمے میں مدد ملے گی۔انہوں نے مزید کہاکہ سپر سیڈرکی خریداری پرحکومت پنجاب 60 فی صد سبسڈی دے گی جس سے وہ جدید زرعی مشینری استعمال کر سکیں گے۔ محمد شاہد نے کہا کہ وزیراعلیٰ پنجاب کا یہ بہترین انیشی ایٹو زرعی شعبہ کی ترقی اور ماحولیاتی بہتری کی سمت ایک اہم قدم ہے۔ اس موقع پرقرعہ انداز میں حصہ لینے والے کاشتکار بھی موجودتھے۔