ٹبی خورد کروڑ میں ٹریکٹر ٹرالی بے قابو، 4 افراد زخمی، 2 ہسپتال منتقل

لیہ (نمائندہ لیہ ٹی وی)نواحی علاقہ ٹبی خورد کروڑ میں ایک ٹریکٹر ٹرالی ٹائر نکلنے کے باعث بے قابو ہو کر حادثے کا شکار ہو گئی۔ حادثہ مبینہ غفلت اور لاپرواہی کے باعث پیش آیا۔ واقعے میں 4 افراد زخمی ہو گئے جن میں سے دو کو ابتدائی طبی امداد کے بعد تحصیل ہیڈ کوارٹر ہسپتال کروڑ منتقل کر دیا گیا، جبکہ دو افراد کو جائے حادثہ پر ہی ابتدائی طبی امداد فراہم کی گئی۔زخمیوں میں نبیلہ زوجہ عامر حسین، عمر 25 سال،سمیہ بتول دختر ممتاز حسین، عمر 21 سال،فرزانہ دختر ممتاز حسین، عمر 23 سال ،رجب علی ولد محمد اسلم، عمر 19 سال شامل ہیں جن میں سے نبیلہ اور سمیہ بتول کو تحصیل ہیڈ کوارٹر ہسپتال کروڑ منتقل کردیا گیا