لیہ (نمائندہ لیہ ٹی وی)ضلع لیہ میں 26 مئی سے شروع ہونے والی انسداد پولیومہم کے انتظامات مکمل۔پانچ سال تک کے ہر بچے کوفوکس کیاجائے گا ۔انسداد پولیومہم میں 1797ٹیمیں خدمات انجام دیں گی ۔4لاکھ سے زائد بچوں کو قطرے پلائے جائیں گے۔پھول جیسے بچوں کو پولیوسے محفوظ رکھنے کے لیے عزم رزم سے کام کرنا ہوگا،ڈپٹی کمشنر امیرا بیدار۔تفصیل کے مطابق ڈپٹی کمشنر امیرا بیدارکی زیرصدارت انسداد پولیومہم کا اجلاس منعقدہوا۔اجلاس میں اسسٹنٹ کمشنر چوبارہ ثنااللہ ہنجرا،سی ای اوصحت ڈاکٹرشاہدریاض،ڈاکٹر یونس کلیہ، ڈبلیو ایچ او کے حکام ودیگرموجودتھے۔ڈپٹی کمشنرنے اجلاس سے خطاب کرتے ہوئے کہاکہ ٹیمیں ضلع کے پولیو فری اعزاز کے لئے لگن سے کام کریں پولیو ایک موذی مرض ہے اسے ملک سے ختم کرنے کے لئے مشترکہ جدو جہد کی ضرورت ہے۔ انہوں نے کہا کہ کچے، تھل کے علاقہ، خانہ بدوش بچوں اور داخلی خارجی راستوں پر بھرپور توجہ دی جائے ٹیمیں پولیو ویکسین کے قطرے نہ پلانے والے والدین کی فوری رہنمائی کریں۔ڈپٹی کمشنر نے پولیو ٹیموں، ورکرز اور فکسڈ پوائنٹس پر بچوں کے لئے ٹھنڈے پانی رکھنے کی ہدایت کی۔اس موقع پرسی ای اوصحت ڈاکٹرشاہدریاض نے بتایاکہ مہم میں 56یوسی ایم اوز،78فکسڈسائیڈ،58ٹرانزرٹ پوائنٹس جبکہ 1661موبائل ٹیموں کے ذریعے سوفی صدٹارگٹ حاصل کیاجائے گا۔
