لیہ(نمائندہ لیہ ٹی وی)ڈائریکٹر جنرل محکمہ تحفظ ماحول عمران حامد شیخ کے احکامات اور ڈپٹی کمشنر کی ہدایت پرماحول کے تحفظ کے لیے اقدامات اُٹھائے جارہے ہیں۔ اسسٹنٹ ڈائریکٹر ماحولیات محمد ارشد چغتائی کی زیرنگرانی ضلع بھر میں آلودگی پھیلانے والوں کے خلاف سخت کارروائیاں جاری اس سلسلہ میں کروڑ میں 2 بھٹہ مالکان کے خلاف بھٹہ کو زگ زیگ ٹیکنالوجی کی خلاف ورزی پر تھانہ کروڑ میں مقدمات کا اندراج کیا گیا، کروڑ شہر میں واٹر ری سائیکلنگ پلانٹس کے بغیر چلنے والے 3 سروس اسٹیشن سیل اور 1 کو نوٹس جاری کیا گیا، 100کلوگرام سے زائد غیر معیاری پلاسٹک شاپنگ بیگز تحویل میں لیے گئے، ایک رائس مل میں آلودگی کنٹرول کرنے کے والے آلات کا معائنہ کیاگیا کھر چوک کے قریب مختلف بھٹہ جات کے گرد 100 سے زائد درخت لگائے گئے۔
