ماحولیاتی آلودگی کے خلاف کارروائیاں، بھٹے مالکان و اداروں پر مقدمات درج

لیہ( نمائندہ لیہ ٹی وی)وزیراعلی پنجاب مریم نواز شریف کے احکامات پر ماحولیاتی آلودگی کے خاتمہ کے لیے اقدامات اُٹھائے جارہے ہیں۔ڈی جی محکمہ تحفظ ماحول کی ہدایات محکمہ ماحولیات لیہ کی جانب سے ضلع بھر میں آلودگی پھیلانے والوں کے خلاف سخت کارروائیوں کا آغاز کر دیاگیا۔ انسپکٹر ماحولیات ذوالقرنین احمد قریشی اور ساجد علی ساجد فیلڈ اسسٹنٹ ماحولیات نے معائنہ کرتے ہوئے لیہ میں 3 بھٹہ مالکان کے خلاف بھٹہ کو زگ زیگ ٹیکنالوجی کی خلاف ورزی پر مقدمات کا اندراج کروایاگیا، بغیر ری سائیکلنگ پلانٹ کے چلنے والا 1 سروس اسٹیشن سیل اور 1 کو نوٹس جاری کیا گیا، 122 کلوگرام غیر معیاری پلاسٹک شاپنگ بیگز تحویل میں لیے گئے۔ ہسپتال ویسٹ کی پلفریج اور غیر قانونی کاروبار پر 1 کباڑیے کے خلاف تھانہ کوٹ سلطان میں مقدمہ کا اندراج کیا گیاجبکہ بائی پاس روڈ کے قریب مختلف بھٹہ جات کے گرد 100 سے زائد درخت لگائے گئے۔