لیہ( نمائندہ لیہ ٹی وی) وزیر اعلیٰ پنجاب مریم نواز شریف کے وژن کے مطابق کاشتکاروں کو معیاری بیج اور زرعی مداخل کی فراہمی کے لئے محکمہ زراعت لیہ کا بڑا اقدام۔ ڈپٹی کمشنر امیرا بیدار کی ہدایت پر ضلع بھر سے کھادوں کے سیمپل کولیکشن اور ٹیسٹنگ شروع کر دی گئی۔ اس سلسلہ میں اسسٹنٹ ڈائریکٹر زراعت توسیع لیہ محمد طلحہ شیخ نے چوک اعظم اور کوٹ سلطان کا دورہ کیا اور جعلی کھادوں کی تیاری و فروخت روکنے کیلئے کھاد ڈیلرز کے وئیر ھاوسز کا اچانک معائنہ کیا گیا اور مختلف ڈیلرز کے گوداموں سے ڈی اے پی، نائٹروفاس، امونیم سلفیٹ اور دیگر کھادوں کی سیمپلنگ کی گئی اور انہیں لیبارٹری ٹیسٹ کے لئے لاھور اور ڈیرہ غازی خان بھیج دیا گیا ھے تاکہ جعلی کیمیائی کھادوں کی تیاری و فروخت میں ملوث افراد کے ساتھ آہنی ہاتھوں سے نمٹا جائے گا۔ اسسٹنٹ ڈائریکٹر محمد طلحہ شیخ نے بتا یا کہ لیبارٹری ٹیسٹ کے بعد جعلی کھاد تیار و فروخت کرنے والوں کے خلافقانونی کارروائی عمل میں لائی جائے گی۔ انہوں نے کاشتکاروں سے بھی اپیل کی کہ وہ جس ڈیلرزسے کھاد خریدیں اس سے رسید ضرور حاصل کریں تاکہ بوقت ضرورت کارروائی میں آسانی ہوسکے۔
