لیہ( نمائندہ لیہ ٹی وی)ڈپٹی کمشنر امیرابیدار کی ہدایت پرمحکمہ صحت کے افسران اتائیت کے خاتمہ کے لئے متحرک ہیں۔ ڈپٹی ڈسٹرکٹ ہیلتھ آفیسر ڈاکٹر مرسلین احمد جٹ نے کوٹ سلطان اور پہاڑ پور میں قائم پرائیویٹ کلینکس کامعائنہ کیا۔انہوں نے اس موقع پرمختلف ایس اوپیز کی خلاف ورزیو ں پردو کلینکس کو سیل کردیا۔ ڈپٹی ڈسٹرکٹ ہیلتھ آفیسر ڈاکٹر مرسلین احمدنے کہاکہ ایس اوپیز کی خلاف ورزی کسی صورت قابل قبول نہیں انسانی جانوں سے کسی کو بھی کھیلنے کی اجازت نہیں دی جاسکتی خلاف ورزی پرکلینک سیل کردیے جائیں گے اور کیس پنجاب ہیلتھ کیئر کمیشن کو ارسال کیاجائے گا کاروبار کرنے والے افراد ایس اوپیز کے مطابق ہی کلینک اور میڈیکل سٹور بناسکتے ہیں۔
