ڈی پی او لیہ کی کھلی کچہریوں کا سلسلہ جاری، عوامی مسائل کے فوری حل کے لیے احکامات جاری

لیہ(نمائندہ لیہ ٹی وی) کھلی کچہریوں کا تسلسل عوامی مسائل کے حل کےلئے موئثر ثابت ہو رہا ہے ،ہر ممکن کوشش ہے کہ شہریوں کے مسائل حل کرکے میرٹ پر انصاف کی فراہمی کو یقینی بنایا جائے ،ان خیالات کا اظہار ڈسٹرکٹ پولیس آفیسر لیہ محمد علی وسیم نے منعقدہ کھلی کچہریوں کے دوران کیا ،ڈی پی اولیہ نے علاقہ تھانہ چوبارہ کے مقامات (اڈارفیق آباد ،ٹرکو اڈا ،میونسپل کمیٹی ،اڈا حافظ آباد ،بھرلی اڈا اور پکٹ کپوری ) پرکھلی کچہری لگائی ، امروز منعقدہ کھلی کچہریوں کے دوران سائلین (مردوخواتین ) کے پولیس سے متعلقہ مسائل پوری توجہ کے ساتھ سنے اور ان کے حل کےلئے موقع پر متعلقہ پولیس افسران کو احکامات جاری کیے،ڈی پی او لیہ نے متعلقہ افسران کو ہدایت کی کہ درخواستوں پر حقائق کی بنیاد پر جلد ازجلد کاروائی عمل میں لا کر رپورٹ سماعت میں بھجوائیں ،سائلین کی طرف سے مقدمہ کے اندراج ،تبدیلی تفتیش ،ملزمان کی گرفتاری سمیت دیگر مسائل پر مبنی درخواستیں پیش کی گئی ۔