لیہ: تیز رفتاری کے باعث موٹرسائیکل حادثہ، دو افراد جاں بحق

لیہ (لیہ ٹی وی) جمن شاہ سے چک نمبر 160 جاتے ہوئے موٹرسائیکل حادثے کا شکار ہو گیا، جس کے نتیجے میں دو افراد جاں بحق ہو گئے۔ حادثہ اس وقت پیش آیا جب ایک موٹرسائیکل پر سوار چار افراد چک 160 کی طرف جا رہے تھے۔ راستے میں گھاس سے بھری ٹریکٹر ٹرالی کو اوور ٹیک کرنے کے دوران موٹرسائیکل ریت میں پھسل گیا، جس کے باعث وہ ٹرالی کے نیچے آ گئے۔ ریسکیو ذرائع کے مطابق حادثے کے فوراً بعد امدادی ٹیمیں موقع پر پہنچ گئیں، لیکن سر پر شدید چوٹ لگنے کی وجہ سے 50 سالہ اللہ وسایا اور 45 سالہ محمد طاہر زخموں کی تاب نہ لاتے ہوئے موقع پر ہی دم توڑ گئے۔ لواحقین نے لاشوں کو اسپتال منتقل کرنے سے انکار کر دیا، جبکہ پولیس کو اطلاع دے دی گئی ہے۔ آخری اطلاعات کے مطابق ڈیڈ باڈیز کو ابتدائی کاروائی کے بعد تحصیل ہسپتال کوٹ سلطان منتقل کر دیاگیا۔