راولپنڈی (لیہ ٹی وی) راولپنڈی کے علاقے اصغر مال میں تشدد کا شکار ہونے والی 12 سالہ گھریلو ملازمہ اسپتال میں دوران علاج دم توڑ گئی۔ پولیس کے مطابق لڑکی کو تشویشناک حالت میں ہولی فیملی اسپتال منتقل کیا گیا تھا، جہاں وہ زخموں کی تاب نہ لاتے ہوئے چل بسی۔ بچی کے ہاتھ، پاؤں، چہرے اور سر پر تشدد کے نشانات موجود تھے۔ پولیس نے مالک مکان اور اس کی بیوی کو گرفتار کر لیا ہے جبکہ مقدمے میں قتل سمیت دیگر 7 دفعات شامل کی گئی ہیں۔ متاثرہ بچی کے والدین نے سخت کارروائی کا مطالبہ کیا ہے، جبکہ اعلیٰ حکام نے واقعے کا نوٹس لے لیا ہے۔
