لیہ:تحصیل کروڑ لعل عیسن میں وزیراعلیٰ پنجاب مریم نواز شریف کے وژن کے مطابق عوام کو بنیادی سہولیات ان کی دہلیز پر فراہم کرنے کے لیے سہولت آن دا گو بازار کے قیام پر کام جاری ہے۔ ڈپٹی کمشنر آصف علی ڈوگر کی ہدایت پر بھکر روڈ پر 60 سے زائد دکانوں پر مشتمل بازار کی تعمیر تیزی سے مکمل کی جا رہی ہے۔ اس سلسلے میں اسسٹنٹ کمشنر کروڑ اصغر علی چیمہ نے منصوبے کا دورہ کرکے جاری تعمیراتی کام، بنیادی سہولیات اور دیگر انتظامات کا تفصیلی جائزہ لیا۔ انہوں نے متعلقہ عملے کو ہدایت کی کہ تعمیراتی کام مقررہ مدت میں مکمل کیا جائے۔ اسسٹنٹ کمشنر نے کہا کہ سہولت آن دا گو بازار کے قیام کا مقصد شہریوں کو ایک ہی جگہ پر معیاری اشیائے ضروریہ اور دیگر سہولیات فراہم کرنا ہے۔ عوامی فلاح و بہبود کے منصوبوں کی بروقت تکمیل انتظامیہ کی ترجیح ہے۔
