کارپینٹر ایسوسی ایشن جھنگ پاکستان کا قیام، ہنرمند برادری کو ایک پلیٹ فارم پر متحد کرنے کا عزم

جھنگ سے نمائندہ لَیّہ ٹی وی ظفر اقبال مرزا کی رپورٹ کے مطابق!
2026-11-07 21-39-56
کارپینٹر برادری کے اتحاد، فلاح و بہبود اور پیشہ ورانہ حقوق کے تحفظ کے لیے کارپینٹر ایسوسی ایشن جھنگ پاکستان کی تعارفی تقریب منعقد ہوئی، جس میں ایسوسی ایشن کے عہدیداران، ایگزیکٹو ممبران اور بزرگ استاد صاحبان نے شرکت کی۔
تقریب میں سرپرستِ اعلیٰ محمد امجد، صدر محمد ذیشان عرف قاسم، سینئر نائب صدر حافظ محمد فاروق، نائب صدر محمد قاسم مہے، جنرل سیکرٹری طاہر شہزاد مغل، جوائنٹ سیکرٹری یامین قریشی، فنانس سیکرٹری محمد عمران مغل، پریس سیکرٹری محمد عدنان عباس اور آفس سیکرٹری محمد حنیف مغل سمیت دیگر عہدیداران اور ممبران شریک ہوئے۔
اس موقع پر ایسوسی ایشن کے قیام کے اغراض و مقاصد بیان کیے گئے۔ شرکاء کا کہنا تھا کہ کارپینٹر برادری کو ایک پلیٹ فارم پر متحد کرکے ان کے مسائل اجاگر کیے جائیں گے، باہمی تعاون کو فروغ دیا جائے گا اور پیشہ ورانہ حقوق کے تحفظ کے لیے مشترکہ جدوجہد کی جائے گی۔
بزرگ استاد صاحبان نے تنظیم کے قیام کو خوش آئند قرار دیتے ہوئے دعاؤں اور نیک تمناؤں کا اظہار کیا، جبکہ ہنرمند افراد کی حوصلہ افزائی اور برادری کی فلاح و بہبود کے لیے عملی اقدامات کرنے کے عزم کا بھی اعادہ کیا گیا۔
تقریب خوشگوار ماحول میں اختتام پذیر ہوئی۔