مظفرگڑھ میں اینٹی ریپ ایکٹ کے تحت دو خواتین کے خلاف مقدمات درج

مظفر گڑھ (لیہ ٹی وی) اینٹی ریپ ایکٹ کے تحت مظفرگڑھ میں دو خواتین کے خلاف مقدمات درج کر لیے گئے ہیں، جبکہ ان کی گرفتاری کے لیے تلاش جاری ہے۔ پولیس کے مطابق مذکورہ خواتین نے دو ملزمان پر زیادتی کا الزام عائد کرتے ہوئے مقدمات درج کروائے تھے، تاہم عدالت میں بیان دیا کہ غلط فہمی کی بنیاد پر انہیں نامزد کیا گیا تھا۔ واضح رہے کہ اسی نوعیت کا ایک اور مقدمہ 3 فروری کو بھی درج کیا گیا تھا، جس میں ایک خاتون پر جھوٹا مقدمہ درج کروانے کا الزام عائد کیا گیا تھا۔