لیہ(نمائندہ لیہ ٹی وی)ضلع لیہ میں مشترکہ ونڈا جات کی تقسیم کے لئے پلس پراجیکٹ کے تحت کام کا آغاز کر دیا گیا ہے ۔اسسٹنٹ کمشنر چوبارہ ثناءاللہ ہنجرا نے اس سلسلہ میں متعلقہ سٹاف میں ونڈا جات کی تقسیم کے لئے سامان تقسیم کیا۔انہوں نے اس موقع پر کہاکہ پلس پروجیکٹ کھیوٹ کی تقسیم کے حوالے سے ایک احسن اقدام ہے جس میں مشترکہ کھیوٹ کی تقسیم کا مرحلہ وار عمل شروع کر دیا ہے تا کہ اراضی ریکارڈ میں ایک مالک، ایک ونڈا کی حوصلہ افزائی کی جا سکے۔انہوں نے مزید کہا کہ اراضی کی تقسیم کے لیے اراضی سنٹرز پر کھیوٹ کی تقسیم کے متعلق تفصیلی معلومات اور سہولیات فراہم کی ہیں تاکہ عوام اراضی ریکارڈ کی ڈیجیٹائزیشن سے زیادہ سے زیادہ فائدہ اٹھا سکیں۔اے سی چوبارہ نے ریونیو افسران کو شفاف انداز میں پلس پروگرام پر عملدرآمد کی ہدایت کی۔ اس موقع ریونیوافسران و دیگر موجودتھے۔
