لیہ(نمائندہ لیہ ٹی وی)اسسٹنٹ کمشنر چوبارہ ثنا ءاللہ ہنجرا نے تحصیل آفس چوبارہ کا اچانک معائنہ کیا۔انہوںنے اس موقع پررجسٹری برانچ،دفتر قانوگو ،واصل باقی نویس اور ریڈر برانچ کو چیک کیا۔ اسسٹنٹ کمشنر چوبارہ ثنا اللہ ہنجرانے سرکاری واجبات کی وصولی کے اجلاس کی صدارت کی ۔انہوںنے اس موقع پرریکوری ٹارگٹ کو چیک کیا۔انہوں نے ہدایت کرتے ہوئے کہاکہ حکومت پنجاب کی ہدایت پرریونیوافسران سوفی صد وصولی کو یقینی بنائیں۔انہوں نے کہاکہ سرکاری واجبات کی وصولی کے لیے اقدامات کو تیز کیاجائے۔اس موقع پر بنک مینیجر،ریونیوافسران ودیگر موجودتھے۔
