لیہ 853 سکولوں میں فرنیچر فراہم، 57 ہزار حاملہ خواتین آغوش پروگرام میں رجسٹرڈ

لیہ(نمائندہ لیہ ٹی وی)ایڈیشنل ڈپٹی کمشنر جنرل شبیر احمد ڈوگرکی زیرصدارت پنجاب ہیومن کیپٹل انویسٹمنٹ پراجیکٹ کمیٹی کا اجلاس منعقد ہوا۔اجلاس میں سی ای او ہیلتھ ڈاکٹر شاہد ریاض،ڈپٹی ڈی ای او تعلیم ملک بلال حسین ودیگرموجودتھے۔ڈسٹرکٹ فوکل پرسن محمد منشاءنے بریفنگ دیتے ہوئے بتایاکہ بنیادپروگرام کے تحت 853سکولوں میں فرنیچرفراہم کیاچکاہے ۔انہوں نے بتایاکہ آغوش پروگرا م کے تحت57ہزار سے زائد حاملہ خواتین رجسٹرڈ ہوچکی ہیںجن میں 53ہزار خواتین کے رقم کے حصول کے لیے والٹ بھی بن چکے ہیں ۔ ایڈیشنل ڈپٹی کمشنر جنرل شبیر احمد ڈوگرنے اجلاس سے خطاب کرتے ہوئے کہاکہپنجاب ہیومن کیپٹل انویسٹمنٹ پراجیکٹ کے تحت بہترصحت،معیاری ابتدائی تعلیم کی فراہمی کا پروگرام جاری ہے جس کے دوررس ثمرات حاصل ہوں گے ۔انہوں نے کہاکہ پنجاب ہیومن کیپٹل انویسٹمنٹ پراجیکٹ کے آغوش پروگرام ضلع میں کامیابی سے جاری ہے اس پراجیکٹ کوکامیابی سے پایہ تکمیل تک پہنچانے کے لیے متعلقہ افسران پروگرام کی شفافیت پر خصوصی چیک اینڈ بیلنس برقرار رکھا جائے۔ایڈیشنل ڈپٹی کمشنر جنرل شبیر احمد ڈوگرنے مزید کہاکہ سکولوں میں فرنیچرفراہم کرنے والی فرم کو ٹائم لمٹ دیا جائے مقررہ ٹائم میں ہی فرنیچر فراہم کرنے کا پابندکیاجائے۔