لاہور (لیہ ٹی وی) لیسکو حکام نے اعلان کیا ہے کہ 200 بڑے نادہندگان اور بجلی چوروں کی فہرستیں تیار کر لی گئی ہیں اور ان کے خلاف بلا امتیاز اور شفاف کارروائی کی جائے گی۔ حکام کا کہنا ہے کہ نادہندگان صارفین پر ایک کروڑ روپے سے زائد کے بل ہیں۔
لیسکو حکام نے بتایا کہ بجلی چوری کے کیسز میں قصور، مریدکے، اوکاڑہ، پھول نگر، پتوکی، نارنگ اور دیپالپور جیسے علاقے سرفہرست ہیں، جہاں سرحدی اور دور دراز علاقوں میں بھی بجلی چوری کے واقعات پائے جاتے ہیں۔
وزیراعظم نے لیسکو میں کرپشن الزامات پر نکالے گئے 12 افسران کی بحالی کا نوٹس لیا ہے، اور حکام نے اس بات کا بھی انکشاف کیا ہے کہ دیہی علاقوں میں لائن لاسز 20 سے 45 فیصد تک ہیں۔
حکام کا کہنا ہے کہ بجلی چوروں کو مقامی بااثر شخصیات کی پشت پناہی بھی حاصل ہے، لیکن اس کے باوجود ان کے خلاف سخت اقدامات کیے جائیں گے۔
