سیول (لیہ ٹی وی) جنوبی کوریا کے معزول صدر یون سک یول پر بغاوت کے الزام میں فرد جرم عائد کر دی گئی ہے۔ استغاثہ نے 3 دسمبر کو مارشل لاء کے مختصر نفاذ کے ذریعے بغاوت کی قیادت کرنے پر یون سک یول پر بغاوت کے الزام میں فردِ جرم عائد کی۔ گزشتہ ہفتے اینٹی کرپشن ایجنسی نے فرد جرم عائد کرنے کی سفارش کی تھی۔
استغاثہ کے مطابق یون سک یول کو بغاوت کے سرغنہ ہونے کے الزام میں حراست میں لیا گیا ہے۔ یون سک یول نے 14 دسمبر کو حزب اختلاف کی قیادت والے پارلیمان کی طرف سے مارشل لاء کے خاتمے کی ووٹنگ کے بعد تقریباً چھ گھنٹوں میں اپنا حکم واپس لے لیا تھا۔ اس دوران فوجیوں کو پارلیمان کی عمارت میں بندوقوں اور دیگر حفاظتی سازوسامان کے ساتھ داخل ہوتے دیکھا گیا۔
یون سک یول کو 14 دسمبر کو پارلیمان نے معزول کر دیا، جس سے وہ دوسرے قدامت پسند صدر بن گئے جنہیں عہدے سے ہٹایا گیا۔ انہیں 15 جنوری کو گرفتار کیا گیا تھا۔ تفتیشی حکام نے صدر کے محل پہنچنے پر صدارتی محافظوں کے ساتھ جھگڑا کیا، اور یون سک یول کو ان کے ہزاروں حامیوں کی مزاحمت کے باوجود گرفتار کیا گیا۔
