لیہ میں پنجاب بوائے اسکاوٹ ایسوسی ایشن کے زیر اہتمام تین روزہ ٹریفک کنٹرول اور ہسپتال سروس پروگرام کامیابی سے مکمل

لیہ(نمائندہ لیہ ٹی وی)ڈپٹی کمشنر محترمہ امیرا بیدار صاحبہ کی ہدایت پر پنجاب بوائے اسکاوٹ ایسوسی ایشن کے زیر اہتمام ڈسٹرکٹ لیہ میں تین روزہ ٹریفک کنٹرول پروگرام منعقد کیا گیا۔ اس پروگرام کا مقصد اسکاؤٹس کی ذہنی و جسمانی استعداد کو بہتر بنانا، ان میں نظم و ضبط پیدا کرنا اور عوامی خدمت کے جذبات کو فروغ دینا تھا۔یہ پروگرام صوبائی کمشنر ڈاکٹر احسان بھٹہ اور صوبائی سیکرٹری محمد طارق قریشی کی قیادت میں منعقد ہوا جبکہ ڈسٹرکٹ ایجوکیشن اتھارٹی لیہ نے ڈی ایس پی ٹریفک کے تعاون سے اس پروگرام کو کامیاب بنانے میں اہم کردار ادا کیا۔پروگرام کی تفصیلات:پہلا روز:ایک روزہ Indoor ٹریفک کنٹرول ٹریننگ گورنمنٹ ایم سی ہائی سکول لیہ میں منعقد ہوئی۔ اس ٹریننگ کے دوران ASI ساجد حسین نے اسکاؤٹس اور اسکاوٹ لیڈرز کو ٹریفک قوانین، اشاروں اور ٹریفک کنٹرول کے عملی طریقہ کار کے بارے میں مکمل بریفنگ دی۔دوسرا اور تیسرا روز:شہر کے مختلف اہم پوائنٹس پر دو روزہ Outdoor سرگرمیاں منعقد کی گئیں، جن میں اسکاؤٹس اور ٹریفک وارڈنز نے مل کر ٹریفک کو کنٹرول کیا اور اپنی عملی صلاحیتوں کا مظاہرہ کیا۔شرکاء اور تعاون کرنے والے ادارے:پروگرام میں گورنمنٹ ایم سی ہائی سکول لیہ، گورنمنٹ ماڈل ہائیر سکینڈری سکول لیہ، گورنمنٹ ہائی سکول ایم سی نمبر 2، گورنمنٹ ہائی سکول ایم سی نمبر 1، اور گورنمنٹ ہائی سکول منڈی ٹاؤن کے بوائے اسکاؤٹس اور اسکاوٹ لیڈرز نے بھرپور شرکت کی۔ڈسٹرکٹ اسکاؤٹ سیکرٹری عرفان شاہ نے CEO ایجوکیشن لیہ شازیہ توصیف، ڈسٹرکٹ ایجوکیشن آفیسر SE محمد رضوان، ڈسٹرکٹ ایجوکیشن آفیسر M.EE ڈاکٹر آغا حسن شاہ، تمام سکولوں کے پرنسپلز اور اسکاوٹ لیڈرز ملک مینر حسین، محمد طاہر، محمد شفیق، محمد اشرف، اور فہیم الدین کا خصوصی شکریہ ادا کیا۔اختتامی تقریب:پروگرام کے اختتام پر گورنمنٹ ایم سی ہائی سکول لیہ کے پرنسپل مظہر حسین نے اسکاؤٹس میں ٹریننگ سرٹیفکیٹس تقسیم کیے اور ان کی کارکردگی کو سراہا۔آئندہ پروگرام:اسکاؤٹس 24 جنوری 2025 کو ڈسٹرکٹ ہیڈ کوارٹر ہسپتال لیہ میں ہسپتال سروس ٹریننگ حاصل کریں گے، جس کے بعد 27 اور 28 جنوری کو تحصیل ہیڈ کوارٹر ہسپتال کروڑ میں "ہسپتال سروس پروگرام” منعقد ہوگا۔پنجاب بوائے اسکاوٹ ایسوسی ایشن کی ایسی ماہانہ سرگرمیاں نوجوانوں کو ملک و قوم کی خدمت کے لیے تیار رکھنے اور انہیں مشکل حالات کا سامنا کرنے کی صلاحیتوں سے آراستہ کرنے میں معاون ثابت ہو رہی ہیں۔