حکومت پنجاب کی ہدایت پر کپاس کی زیادہ پیداوار کے لیے پیشگی ٹریننگ اور تیاریوں کا آغاز

لیہ(نمائندہ لیہ ٹی وی)حکومت پنجاب کی ہدایت پرکپاس کی زیادہ پیدوارکے لیے پیشگی بنیادو ں پر ٹریننگ وتیاریوں کاآغاز کردیاگیا۔اس سلسلہ میں ایڈیشنل ڈپٹی کمشنرریونیومحمدشاہدملک کی زیرصدارت محکمہ زراعت کمپلیکس میں کپاس کی اگیتی کاشت کے حوالے سے سیمینار منعقدہوا۔ اس موقع پرڈپٹی ڈائریکٹرزراعت شیخ محمدعاشق، اسسٹنٹ ڈائریکٹر پیسٹ وارننگ اعجاز قیصرانی،زراعت آفیسرزشائستہ یاسمین،محمدراشدودیگرموجودتھے۔ایڈیشنل ڈپٹی کمشنرریونیومحمدشاہدملک نے سیمینارسے خطاب کرتے ہوئے کہاکہ کپاس کی کاشت ملک کے لیے بہت ضروری ہے ، کپاس کی زیادہ پیداوار ہماری ٹیکسٹائل،جننگ انڈسٹری کارخانوں کو خام مال مہیا کرتی ہے اور کاشتکار ملکی مفاد کو مدنظر رکھتے ہوئے کینولا،رایا اور کماد کی کاشت کے بعد خالی ہونے والے رقبہ پر اگیتی کپاس کی کاشت کو ترجیح دیں۔انہوں نے کہاکہ کپاس کی اگیتی فصل سے فی ایکڑ زیادہ پیداوار حاصل ہوتی ہے کپاس کی اگیتی فصل کو زیادہ سے زیادہ رقبہ پر کاشت کرایا جائے گا اور زیادہ پیداواری صلاحیت کی حامل کپاس کی منظور شدہ اقسام کاشت کرائی جائیں گی۔ڈپٹی ڈائریکٹرزراعت شیخ عاشق حسین نے کہاکہ کپاس کی اگیتی کاشت کے لئے فروری اور مارچ کے مہینے موزوں ہیںجبکہ بہترین وقت 15فروری تا 15مارچ ہے۔انہوں نے کہاکہ اگیتی کاشت فروغ کے لیے مختلف ٹیمیں تشکیل دی گئی ہیں جو تمام چکوک میں جاکر تربیتی پروگرامز میں رہنمائی کریں گی