لیہ(نمائندہ لیہ ٹی وی )ضلعی انتظامیہ لیہ اور تاجرتنظیموں کی باہمی مشاورت سے اشیاءخورد نوش وبیکری ایٹم کی قیمتوں کا ازسرنو تعین کر دیاگیا ہے نئی قیمتوں کا اطلاق فوری طورپر ہوگا۔تفصیل کے مطابق ایڈیشنل ڈپٹی کمشنرجنرل محمدشبیراحمدڈوگر کی زیرصدارت نئے ریٹ طے کرنے پرائس کنٹرول فکسیشن کمیٹی اجلاس منعقدہوا۔اجلاس میںڈی اوانڈسٹریز،صدر انجمن تاجران اظہر ہانس ، چیئرمین انجمن تاجران تنویر احمد خان ودیگرموجود تھے۔اس موقع پرباہمی مشاورت سے نئی ریٹ لسٹ جاری کی گئی ، ضلع بھر میں اشیاءضرویہ کی نئی قیمتوں کے لیے جاری کردہ نوٹی فیکشن کے مطابق آٹے کا ریٹ محکمہ فوڈ کے نوٹی فیکشن کے مطابق ہوگا، دیگر کے ریٹ فی کلوکے حساب سے چاول سپر باسمتی نیا260روپے، چاول سپر باسمتی پرانا260،چاول ایری چھ120روپے،دال چنا موٹی 355،باریک340 ،چناسفید موٹا338،باریک 260،دال مسور موٹی کرمسن 260،دال ماش دھلی 465،دال مونگ دھلی 365،بیسن 350،میدہ 110،سوجی 110روپے،دودھ 130،دہی 140،چھوٹاگوشت مٹن 1200،بڑا گوشت بیف 600، جبکہ روٹی سو گرام 13روپے،نان 120گرام 16روپے،چینی ایکس مل تین روپے جبکہ گھی ،کوکنگ آئل بمطابق کمپنی کے پرنٹ ریٹ،سبزی ، پھل ،گوشت ،برائیلرانڈے بمطابق نرخ نامہ مارکیٹ کمیٹی فروخت ہوں گے۔اسی طرح بیکری ایٹم میںبریڈ620گرام 150روپے ،بریڈ330گرام 90روپے،سادہ بن 90گرام 20روپے،شیرمال بن 180گرام 40روپے،باقرخوانی ایک کلو گرام 650روپے، بسکٹ سادہ ایک کلو گرام 650روپے،اسی طرح 250گرام میں برگررس،کٹے ہوئے رس ،سلائس رس،گول رس120 روپے ،کیک رس Aکوالٹی ایک کلو گرام 750روپے،کیک رس سادہ ایک کلو گرام 450روپے،فروٹ کیک 200گرام 150روپے کے نرخ مقرر کیے گئے۔ڈپٹی کمشنر /کنٹرولرجنرل پرائسزکی جانب نئے ریٹ لسٹ کے نوٹیفیکشن جاری کردیے گئے ہیں۔
