لیہ (نمائندہ لیہ ٹی وی)وزیراعلیٰ پنجاب مریم نواز شریف کی ہدایت پر صحت کے فروغ کے لیے ضلع بھر کے مراکز صحت میں ہفتہ صحت کیمپ فعال کردیے گئے ۔صحت کیمپ 20 نومبر سے 22 نومبر تک لگائے جائیں گے۔ اسسٹنٹ کمشنر چوبارہ ثنا اللہ ہنجرانے تحصیل ہیڈ کوارٹر ہسپتال چوبارہ میں ہفتہ صحت کیمپ کا افتتاح کیا۔اس موقع سابق سابق ایم پی اے محمدطاہررندھاوا موجودتھے۔ اسسٹنٹ کمشنر چوبارہ ثنا اللہ ہنجرانے صحت کیمپ میں اپنا چیک اپ اور بلڈ ٹیسٹ کروایااور انتظامات پر اطمینا ن کا اظہا رکیا۔انہوںنے اس موقع پر کہاکہ صحت کیمپ میں چھوٹے بچوں ،بڑوں اور خواتین کا مفت طبی معائنہ اور بنیادی تشخیصی ٹیسٹ مثلاً ہیپاٹائٹس ،ایڈز ، شوگر ،ملیریا اور ٹی بی کی تشخیص مفت کی جا رہی ہے۔ سابق ایم پی اے محمدطاہررندھاوا نے کہاکہ حکومت پنجاب اپنے شہریوں کو صحت کی بہترین سہولیات کی فراہمی کے لیے کوشاں ہیں صحت کیمپ سے تمام شہری 20 سے 22 نومبر تک اپنا طبی معائنہ کروائیں اپنی صحت کے بارے میں جانیں اور حکومت کی جانب سے دی جانے والی ان مفت سہولیات سے مستفید ہوں۔ڈسٹرکٹ کوارڈینیٹر آئی ار ایم این سی ایچ ڈاکٹر مزمل کریم نے تحصیل ہیڈ کوارٹر ہسپتال کوٹ سلطان میں ہفتہ صحت کیمپ کا معائنہ کیا اور سہولیات کا جائزہ لیا۔مانیٹرنگ اینڈ ایلیویشن آفیسرغلام یاسین ملک نے رورل ہیلتھ سنٹر 161 میں صحت کیمپ کا معائنہ کیا اور سہولیات کا جائزہ لیا
