لیہ(لیہ ٹی وی)وزیراعلی پنجاب مریم نواز شریف کے احکامات پرضلع میں ستھرا پنجاب مہم جاری ہے ۔ڈپٹی کمشنر امیرابیدا رکی ہدایت پر ایڈیشنل ڈپٹی کمشنر جنرل محمدشبیر احمدڈوگر نے ریڑھی بازار، ہاؤسنگ کالونی میں صفائی کا معائنہ کیا۔انہوں نے اس موقع پر ہدایت کرتے ہوئے کہاکہ ستھرا پنجاب پروگرا م کے تحت ضلعی انتظامیہ شہروں،قصبوں اور دیہاتوں کو صاف ستھرا اور دلکش بنانے کیلئے فیلڈ میں متحرک ہے شہریوں مزید بہترین میونسپل سروسز کی فراہمی اور ناجائز تجاوزات کے خاتمے کیلئے تمام مشینری و عملہ ضلع بھر میں مکمل متحرک ہے اور شہروں کی سڑکوں، گلی محلوں اور دیگر عوامی مقامات کی صفائی یقینی بنانے کیلئے مانیٹرنگ کی جا رہی ہے۔ انہوں نے کہا کہ تمام متعلقہ محکموں کے افسران کو اپنی نگرانی میں صفائی ستھرائی اور عوامی شکایات کے فوری ازالے کے لیے فیلڈ میں صاف ستھرا پنجاب پروگرام کے تحت صفائی کے کاموں میں مزید تیزی لانے کے لیے ہدایت کی گئی ہیں
